ဘယ်တော့မှ ကြီးပွါးချမ်းသာမှာမဟုတ်တဲ့ သူတွေမှာပဲ တွေ့ရတတ်တဲ့ အမူအကျင့်ဆိုးများ

Knowledge Lifestyle
Spread the love

ရှေးထုံးလည်း မပယ်နဲ့ စျေးသုံးလည်းမလွယ်နဲ့ ဆိုတဲ့စကားက တကယ့်ကို မှန်ကန်တဲ့ စကားတစ်ခုပါနော်။ ရှေးထုံးတိုင်းကို လိုက်နာစရာမလိုပေမယ့် ကိုယ်ဦးနှောက်နဲ့ချင့်ချိန်ပြီး လိုက်နာသင့်မသင့်ဆိုတဲ့ အရာတွေကို စဉ်းစားတတ်ရမှာ ဖြစ်ပါတယ်။ ရှေးလူကြီးတွေပြောတဲ့ လာဘ်ပိတ်တယ်၊ ဆင်းရဲတာရှည်တဲ့ အမူအကျင့်တစ်ချို့ဟာ တကယ့်ကို မှန်ကန်နေကြောင်း တွေ့ရပါတယ်နော်

မနက်အစောကြီး ငေးငိုင်နေတတ်တာ

မနက်စောစော အိပ်ရာထတဲ့အချိန် လန်းဆန်းတက်ကြွနေရမယ့် အချိန်မှာ မျက်နှာတောင်မသစ်ပဲ ငေးငေးငိုင်ငိုင်လုပ်နေတာမျိုးက လာဘ်ပိတ်တယ်လုိ့ ဆိုထားတတ်ကြပါတယ်။ ဒါဟာ လာဘ်ပိတ်တယ်ဆိုတာထက် မနက်ပိုင်းမှာတင် လုပ်စရာကိစ္စတွေကို မလုပ်ပဲ ငေးငေးငိုင်ငိုင်ဖြစ်နေတာက တစ်နေ့တာရဲ့ အလုပ်တာဝန်တွေအတွက် ကြိုစိတ်ပူနေသလိုဖြစ်နေလို့ ဒါဟာ လုပ်သမျှ အဆင်မပြေနိုင်ပါဘူး

ညီးညူလွန်းတာ

တစ်ချို့လူတွေဆီမှာ ဘယ်အရာမဆို ညီးညူတတ်တာမျိုးက အကျင့်တစ်ခုလို စွဲကပ်နေတတ်ပါတယ်။ ဥပမာ – တစ်ခုခုလေး အဆင်မပြေတာနဲ့ အရမ်းဒုက္ခရောက်နေသလိုမျိုး တစ်ခြားလူဆီမှာ ညီးညူပြတတ်တာ၊ ဘာလုပ်လိုပ် အဆိုးဘက်ကပဲ ကြည့်နေတတ်တာမျိုးပေါ့။ ဒီလိုညီးညူတတ်တာက အဆိုးတွေကို ဖိတ်ခေါ်နေသလို ဖြစ်နေတတ်ပါတယ်

ကြွေးလွယ်လွယ်ကူကူ ယူသုံးတတ်တာ

ကြွေးလွယ်လွယ်ယူသုံးတတ်တဲ့ အကျင့်က တကယ့်ကို ဆိုးဝါးလွန်းတဲ့ အကျင့်တစ်ခုဖြစ်ပြီး တတ်နိုင်သလောက် သူများဆီက ကြွေးယူတာမျိုး ရှောင်သင့်ပါတယ်။ အကြွေးဆိုတာမျိုးက သူများဆီမှာ မျက်နှာငယ်ရရုံမက ကိုယ့်စိတ်ကိုလည်း အရမ်းပင်ပန်းစေပါတယ်။ တစ်ချို့ဆို အတိုးတွေနဲ့ ကြွေးယူတာမျိုးတွေ၊ သူများဆီက လွယ်လွယ်ယူသုံးတတ်တဲ့အကျင့်တွေက ဘယ်တော့မှ ငွေကြေးပိုလျှံတာမျိုး မဖြစ်ပဲ အမြဲတမ်း ခက်ခဲနေစေမှာ ဖြစ်ပါတယ်နော်