မိမိကလေးကို ငယ်စဉ်ကတည်းက ငွေကို စနစ်တကျသုံးစွဲတတ်အောင် သင်ကြားပေးနိုင်မယ့် နည်းလမ်းများ

Knowledge Lifestyle
Spread the love

မိမိကလေးကို ငယ်စဉ်ကတည်းက ငွေကို စနစ်တကျသုံးစွဲတတ်အောင် သင်ကြားပေးနိုင်မယ့် နည်းလမ်းများ
ကလေးတွေကို စနစ်တကျ ငွေစုတတ်အောင် သင်ကြားပေးဖို့က အရေးကြီးပါတယ်။ ငယ်ငယ်ကတည်းက ငွေကို

စနစ်တကျ သုံးစွဲတတ်တဲ့ အလေ့အကျင့်က အသက်ကြီးတဲ့ အထိ စွဲသွားပါတယ်။

ကိုယ်ပိုင် စည်းကမ်းရှိတာက ဘဝမှာအောင်မြင်ဖို့ အဓိကအချက်တွေထဲက တစ်ခုပါ။ ”လူဆိုတာ ငွေနဲ့နေ့စဉ် ဆက်ဆံရတယ်။ တစ်သက်လုံးလည်း ဆက်ဆံသွားရမယ်။ အဲဒါကြောင့် ငွေကို စနစ်တကျ သုံးစွဲတတ်ဖို့က ဘဝမှာ အရေးကြီးပါတယ်”လို့ Sammy Rabbit စာအုပ်တွေကို ရေးခဲ့သူ Sam X Renick က ပြောပါတယ်။

ကလေးတွေကို ငွေအကြောင်း အသက် ၃ နှစ်၊ ၄ နှစ်ကနေ စသင်ပေးလို့ ရပါတယ်။ ကလေးကို စတိုးဆိုင် တစ်ဆိုင် ခေါ်သွားပြီး ငွေကို တစ်ခုခုဝယ်ရန် သုံးကြောင်း၊ ငွေရဖို့ ဘယ်လို ရှာဖွေရကြောင်း ပြောပြပါ။ ပြီးတော့ ကျသင့်ငွေတွေကိုလည်း ရှင်းပြပါ။

ကလေး ပူဆာသမျှ၊ ဂျီကျသမျှ အားလုံးကို ဝယ်ပေးဖို့ မလိုပါဘူး။ ဒါပေမယ့် အိမ်ရောက်မှ ပြောပြပါ။ ကလေးနဲ့ အပြင်မသွားခင် သူလိုချင်တဲ့ စာရင်းကို ရေးလိုက်ပါ။

သူကြိုက်တဲ့ ပစ္စည်းတွေ အားလုံးထဲကမှ တစ်လကို ပစ္စည်းတစ်ခုပဲ ဝယ်ပေးပါ။ အဲဒီအခါ သင့်ကလေးက ရလာတဲ့ ပစ္စည်းကို တန်ဖိုးထားတတ်လာပြီး သူတို့တကယ်မလိုတဲ့ ပစ္စည်းကိုလည်း မပူဆာတော့ပါဘူး။

ကလေးတွေကို ငွေစုဖို့ အခွင့်အရေးပေးပါ။ ဒါပေမယ့် ငွေစုတဲ့အခါ သူတို့ကို အဆင့်သတ်မှတ်ပေးတာတော့ လုပ်ဖို့ မလိုသေးပါဘူး။

အရင်ဆုံး ကလေးတွေကို ငွေစုချင်လားလို့ မေးပြီး ငွေစုချင်ကြောင်း သူတို့ဘက်မှာ အဆင်သင့်ဖြစ်တဲ့အခါ ကလေးတွေကို ငွေပုံမှန်ပေးပါ။ ငွေစုတတ်တဲ့ အကျင့်ကြောင့် သူတို့ရဲ့ငွေတွေလည်း တိုးလာပြီး ရလာမယ့် အကျိုးကိုလည်း သိလာပါတယ်။

ပြီးတော့ ကျောင်းပိတ်ရက်မှာ ကလေးတွေကို အိမ်အလုပ်တွေ လုပ်ခိုင်းပြီး သူတို့ရဲ့ ကိုယ်ပိုင်ဝင်ငွေကို ဖန်တီးလို့ရပါတယ်။ ကလေးတွေရဲ့ အပြုအမူကိုကြည့်ပြီး မိဘတွေက အကြံပေးလို့ရပါတယ်။

မိသားစုဘတ်ဂျက်ငွေကလည်း အရေးကြီးပါတယ်။ မိသားစုမှာ ငွေတွေကို ဘယ်လိုစီမံ သုံးစွဲသလဲ ဆိုတာကို ဆယ်ကျော်သက် အရွယ်ကလေးတွေကို ပြောပြလို့ ရပါတယ်။

ငွေဟာသုံးစွဲဖို့ သက်သက်မဟုတ်ကြောင်း၊ စုဆောင်းတဲ့အကျင့်က ကောင်းတဲ့အကျင့်ဖြစ်ကြောင်း ကလေးတွေကို ရှင်းပြပါ။

ဥပမာ သင့်ကလေးမှာ အင်္ကျီတွေ အများကြီးရှိနေပေမယ့် ဈေးကြီးတဲ့ ဖိနပ်တစ်ရံ လိုချင်နေရင် ငွေစုပြီး ဝယ်ဖို့ အကြံပေးပါ။ ပြီးတော့ လိုချင်တဲ့ ငွေပမာဏရအောင် ငွေကို ဘယ်လိုစုရမလဲ ဆိုတဲ့နည်းလမ်းတွေကို ရှင်းပြပါ။

အသက် ၁၀ နှစ်နဲ့ အထက်ရောက်တဲ့အခါ အကြွေးဝယ်ကတ် အကြောင်းနဲ့ ငွေစုစာအုပ်တွေအကြောင်း ပြောပြလို့ရပါပြီ။ ကလေးအရွယ်ကတည်းက ငွေကို စနစ်တကျ သုံးစွဲတတ်ရင် အနာဂတ်မှာ အတော်အတန် စိတ်ချရနိုင်ပါပြီ။ ခရက်ဒစ် -Love-Media