ယခု social media မှာမျှဝေခဲ့တဲ့အမျိုးသမီးဟာ၊သူမရဲ့အကြောင်းလေးကိုယခုလိုပဲပိုစ့်တင်ခဲ့တဲ့အခါမှာတော့ဖတ်မိသူတိုင်းကိုပီတိဖြစ်စေခဲ့ပါတယ်။
သူမဟာငယ်စဉ်တည်းက၊မိခင်ဖြစ်သူသူမတို့သားအဖကိုစွန့်ပစ်ပီးအခြားယောက်ျာတစ်ယောက်ယူလိုက်တာကြောင့်၊သူမဟာဖခင်နဲ့အတူ
အဖိုးအဖွားအိမ်မှာနေခဲ့ရပါတယ်။သူမရဲ့ဖခင်ကနေ့စဉ်အလုပ်သွားရတာကြောင့်၊သူမဟာအဖိုးအဖွားတို့ရဲ့ဝေယျာဝိစ္စအပြင်အိမ်မှုကိစ္စကိုပါငယ်ငယ်ရွယ်ရွယ်နဲ့လုပ်တတ်ခဲ့ပါတယ်။
သူမတို့မိသားစုဟာဆင်းရဲတာကြောင့်တနေ့လုပ်တနေ့စားဘဝနဲ့သာနေထိုင်ခဲ့ရပါတယ်။ထို့နောက်အသက်ရွယ်ရလာတဲ့အခါမှာတော့
သူမရဲ့ခင်ပွန်းဆိုသူနဲ့အိမ်ထောင်ကျခဲ့ပီး၊ယောက္ခမအိမ်မှာပဲအတူနေထိုင်ခဲ့ပါတယ်။ထို့နောက်မိခင်နဲ့အတူမနေထိုင်လိုက်ရတဲ့သူမရဲ့ဘဝကြောင့်၊
သူမဟာယောက္ခမဆိုသူကိုမိခင်ရင်းသဖွယ်ပြုစုစောင့်ရှောက်ရင်းနေထိုင်ခဲ့ပါတယ်။ထို့နောက်ယောက္ခမဖြစ်သူဟာ၊သူမကိုရှေးဟောင်းစဉ့်အိုးကို
အမှတ်တရပေးခဲ့တာကြောင့်၊သူမအနေနဲ့တမြတ်တနိုးသိမ်းထားခဲ့ပါတယ်။သူမရဲ့ယောက္ခမသေဆုံးပီးငါးနှစ်အကြာမှာတော့၊
သူမဟာအိမ်သန့်ရှင်းရေးလုပ်နေရင်းစဉ်အိုးကိုမတော်တဆတိုက်မိခဲ့တာကြောင့်ထိုစဉ့်အိုးကြီးကွဲသွားခဲ့ရပါတယ်။
ထိုအချိန်စဉ့်အိုးကွဲထဲကထွက်ကျလာတာက၊ဘဏ်စာအုပ်တအုပ်နဲ့သူမနာမည်နဲ့ရေးထားတဲ့စာတစ်စောင်ကိုအံ့အားကြီးစွာတွေ့ရှိခဲ့ပါတယ်။
ထို့နောက်စာလေးဖွင့်ဖတ်ကြည့်တဲ့အခါမှာ”သမီးအတွက်အမေလုပ်ပေးနိုင်တာလေးပါ။ငွေပမာဏမများပေမဲ့အသုံးတော့ဝင်မှာပါ”ဆိုတဲ့စာတစောင်နဲ့အတူ၊
ယောက္ခမဖြစ်သူဟာသူမအတွက်စုထားတဲ့ဘဏ်စာအုပ်လေးလုပ်ထားပေးခဲ့တာကိုသိရှိလိုက်ရတယ်လို့ဆိုပါတယ်။
သူမအနေနဲ့တွေးမိတာကတော့၊ယောက္ခမဖြစ်သူဟာသားသမီးတွေရဲ့မနာလိုမှုရှိခဲ့မှာစိုးလို့ယခုလိုမသိအောင်သူမကိုသမီးရင်းသဖွယ်ချစ်မြတ်နိုးပီး၊
တတ်နိုင်သလောက်လုပ်ပေးခဲ့ရှာပါလားဆိုပီးဝမ်းနည်းဝမ်းသာဖြစ်ခဲ့ရတယ်ဆိုတဲ့အကြောင်းလေးကို၊
ယခုလိုပဲမျှဝေခဲ့ပီးစေတနာမှန်ရင်အကျိုးပေးမှာပါဆိုတဲ့ message လေးကိုပေးခဲ့ပါတယ်။
